تصنيع المفرخة يدويا خطوه بخطوه بالصور والفيديو

frid

frid

عدد المساهمات : 1210
تاريخ التسجيل : 08/10/2010

بسم الله الرحمن الرحيم
تصنيع المفرخة يدويا خطوه بخطوه بالصور والفيديو
نبذه بسيطة
سوف أتناول تصنيع مفرخه بسيطة بأقل الإمكانيات وسوف أتناول جميع ما يتعلق بتصنيعها منم البداية حتى النهاية من شراء الخامات وتجميعها ( هذا الموضوع خاص بالمهندس ياسر حنيدق ) وطبعا بالأسعار وطبعا الأسعار هتكون بسعر اليوم وسوف يتم تحديث للموضوع أول بأول بالنسبة للأسعار أو بالنسبة لاى جزء في الموضوع وسوف انهي الموضوع بشرح مبسط عن كيفية تشغيلها .
أولا :-

يعتمد مبدأ عمل المفرخة او الفقاسه على ثلاثة عوامل أساسية هي :-

1.درجة الحرارة

2. الرطوبة

3.التقليب
*************************************************
1.درجة الحرارة

:يمكن الحصول عليها من مصابيح التونغستون (( يفضل مصباح 150 وات لان اى شنئ اقل من كده بيا خد وقت علشان نوصل لدرجة الحرارة المطلوبة )) أو عن طريق شمع او هيتر حرارى و ذالك حسب حجم الصندوق ويجب الحفاظ على درجة الحرارة بين ال36درجة وال38 وذلك من خلال الثيرموستات الحراري ويتم ضبطه عل درجة حرارة 37
يعنى لو مثلا المفرخة صغيرة الحجم لا يصلح الهيتر ممكن نشتغل ب شمع او مصباح
لو الحجم كبير هنشتغل بهيتر
دى صورتهhttps://2img.net/r/ihimizer/img44/130/01102010074.jpg
هناك نوعين من الثرموثتات
يعملان بميكانيكيتين مختلفتين
نوع يفصل الكهرباء عند الوصول إلى درجة الحرارة المطلوبة ثم يعاود التشغيل اذا ارتفعت درجة الحرارة وهذا النوع يستخدم في احهزة التبريد وهذا لنوع لا يصلح في المفقسات

النوع الثاني
يفصل الكهرباء إذا وصلت الحرارة إلى الدرجة المطلوبة ويعاود التشغيل اذ قلت درجة الحرارة وهذا النوع الذي نحتاجه في المفرخات
سعره للنوع الجيد ذو الكفاءة العالية 50 جنية والمكان معروف ومتوفر ودي
صوره ليه

2. الرطوبة:

ونحصل عليها من خلال تبخر الماء حيث يتم تزويد الفاقسة بجرار مليء بالماء
ويمكن عمل ما يسمى بوحدة الرطوبة وفكرتها بسيطة جداااااا
وهى كالاتى
صندوق مجلفن يتم تزويده بموتور التقليب الموجود فى البوتاجاز الذي يستخدم فى الشوى سعره لا يتعدى 15 جنيه (15/6/2010 م) ويتم تثبيته فى الصندوق ويتم وضع الفرشة المستخدمة فى دهان الحوائط داخل العامود (الخارج من الموتور )
ودي هتبقى وحدة الرطوبة
(( هذا الموضوع خاص بالمهندس ياسر حنيدق ))
أو يمكن الاستعاضة عن ذالك كله بوضع صاج بمقاس 40 * 60 سم طبعا حسب حجم المفرخة يتم تحديد مقاس إناء الرطوبة

3.التقليب:

سوف يتم التقليب يدويا من 4-6 مرات يوميا لكي لا يلتصق الجنين باحد جوانب
البيضة
**********************************************
ده رسم توضيحى انا عامله يوضح فكرة عمل المفرخات عموما وهى فكر بسيطه جدا
https://2img.net/r/ihimizer/img825/5503/23442642.jpg

ابعاد الفقاسه

تختلف الابعاد حسب رؤية وامكانيات كل شخص
ولنجعلها مفقسه منزليه بسيطه جداا فى تكاليفها
(( هذا الموضوع خاص بالمهندس ياسر حنيدق ))

تصميم هيكل الماكينة

بالأبعاد التالية :

الطول = 60 سم
العرض = 60 سم
الإرتفاع = 110 سم
لوح كونتر سعره فى حدود 120 جنيه

دى صوره ليها
https://2img.net/r/ihimizer/img684/1484/01102010089.jpg
https://2img.net/r/ihimizer/img825/2459/01102010086.jpg
(( هذا الموضوع خاص بالمهندس ياسر حنيدق ))

ودى صور توضيحيه
https://2img.net/r/ihimizer/img828/9134/55986842.jpg
https://2img.net/r/ihimizer/img149/470/71615635.jpg
https://2img.net/r/ihimizer/img706/2111/36682847.jpg
https://2img.net/r/ihimizer/img35/6173/78785703.jpg

اجزاء الماكينة الداخليه

1- مروحة

سعرها لا يتعدى 25 جنيه او 3الى اربع مراوح كمبيوتر سعرهم 20 جنيه
https://2img.net/r/ihimizer/img600/7144/01102010065.jpg
وظيفتها

دفع وتوزيع الهواء (الحار والرطب) داخل أرجاء الفقاسة

2-مصباح

لغرض الاضاءه يفضل ان يكون 45 واط 10 جنيه
https://2img.net/r/ihimizer/img825/2553/33333333c.jpg
وظيفته
انارة الماكينه للمعاينه بوضوح

3-مفاتيح كهربائية

(للتشغيل والتحكم). 5 جنيه

4- سخان حرارى

( شمعتين) سعره لايتعدى 6 جنيه

هيتر سعره لا يتعدى 35 جنيه
https://2img.net/r/ihimizer/img822/2571/01102010064.jpg

https://2img.net/r/ihimizer/img44/130/01102010074.jpg

وظيفته

لتوفير الحرارة اللازمة

5-ترموستات حراري

https://2img.net/r/ihimizer/img227/8595/01102010079.jpg
(حساس حرارة) سعره لا يتعدى 50 جنيه حاليا

وظيفته

فهو الذي يحافظ على ثبات درجة الحرارة داخل الماكينة .. وأيضا هو الذي يتحكم في السخان وعمله

6-ترمو ميتر
سعره 9 جنيه https://2img.net/r/ihimizer/img263/9417/48143907.jpg
وظيفته
لقياس درجة الحرارة (مدمج معه مقياس لدرجة الرطوبه بالأسفل) ونجده في محلات بيع الأدوات الطبية

https://2img.net/r/ihimizer/img178/9171/01102010073.jpg

https://2img.net/r/ihimizer/img703/6946/40596655.jpg
7-شبك
أو أي نوع شبك 10 جنيه
وظيفته
(لتغطية أسفل أدراج ورفوف الفقاسة).

https://2img.net/r/ihimizer/img202/8151/39807419.jpg

8- محول من 220 فولت الى 12 فولت سعره 10 جنيه
وظيفته تحويل الجهد من 220 الى 12 ده لو استخدمنا مراوح الكمبيوتر

************************************************** *************

طريقة تثبيت قطع الماكينة

المروحه
مكان تثبيت المروحه
تثبت في منتصف مؤخرة الجزء الثابت من سقف الفقاسة ... في الأعلى بواسطة مسامير وبراغي وصواميل

https://2img.net/r/ihimizer/img248/655/60129111.jpg

طريقة العمل
شغاله 24 ساعه على طوووووووووووول
فهي تطرد الهواء الحار من قلب الفقاسة لتقل الحرارة بداخلها .. ليعود الترموستات والسخان للعمل من جديد لإنتاج الحرارة .. ثم تقوم بدورها بتوزيعها مره أخرى داخل الفقاسة لمدة بسيطة حتى يتم الإغلاق الآلي مرة أخرى للترموستات والسخان .. ومن ثم تطرد الهواء الحار الساكن... وهكذا
(( هذا الموضوع خاص بالمهندس ياسر حنيدق ))

ثانيا -
السخان

مكان التثبيت
يثبت أمام المروحة بمسافة لا تقل عن 10 - 15 سم (يثبت جيدا

https://2img.net/r/ihimizer/img208/337/33817579.jpg

https://2img.net/r/ihimizer/img832/2392/01102010075.jpg
ثالثا -
الترموستات

مكان التثبيت
يثبت في منتصف الجزء الثابت الأمامي للفقاسة ... ويكون الحساس بمواجهة مباشرة للسخان والمروحة

https://2img.net/r/ihimizer/img517/8325/82646878.jpg

مصباح الكهرباء

مكان التثبيت

في أي مكان في أعلى أحد جوانب الفقاسة .

https://2img.net/r/ihimizer/img825/2553/33333333c.jpg

ملاحظة / ضع في الحسبان أن المصباح أيضا يولد حرارة (حاول إختيار مصباح بحرارة منخفضة أو معدومة)

مفاتيح التشغيل والإغلاق
مكان التثبيت
في واجهة الجزء الثابت الأمامي للفقاسة .

لمبة الإشارة
مكان التثبيت
أعلى الترموستات
https://2img.net/r/ihimizer/img703/5051/72289050.jpg
صوره توضح مكان المفاتيح ولمبة الاشاره

https://2img.net/r/ihimizer/img703/5051/72289050.jpg

التوصيل والتشغيل
توصيل الكهرباء لمفاتيح التشغيل والاغلاق

https://2img.net/r/ihimizer/img339/9560/21179941.jpg

https://2img.net/r/ihimizer/img703/88/69737790.jpg

تركيب المروحه

https://2img.net/r/ihimizer/img219/9271/39737619.jpg

تركيب المصباح

https://2img.net/r/ihimizer/img100/5444/92792862.jpg

تركيب الثرموثتات

https://2img.net/r/ihimizer/img703/88/69737790.jpg

ودى صوره للثرموثتات

https://2img.net/r/ihimizer/img705/3525/42324975.jpg

طريقة تركيب الثرموثتات داخل المفرخه ولاكن انا شارحها بطريقه مبسطه جداااا

وده فيديو بيشرح التركيب برده

https://www.youtube.com/watch?v=C-D7CMt2dVY

واى حد عنده استفسار فى الجزئيه دى انا موجود

انتظرونا
كيفية تحديد القطب التدفئه من قطب التبريد بالصور والفيديو

عملية تحديد القطب التدفئه من قطب التبريد هى عمليه بسيطه جدااا ويوجد طريقتين لتحديد قطب التدفئه من قطب التبريد

الطريقه الاولى وهى الطريقه البسيطه جداا
وتتم عن طريق استخدام مفك تست حيث نضع مفك التست على القطب المشترك ونضع اليد اليمنى على احد القطبين القطب الذى يؤدى الى انارة لمبة البيان فى مفك التست هو قطب التدفئه والعكس صحيح
وده هنلاحظه من خلال الفيديو اللى انا شارح فيه هذه العمليه

https://www.youtube.com/watch?v=RhnAaRlokcY

************************************************** ****************

ضبط درجة الحرارة والرطوبه
يتم ضبط درجة الحراره والرطوبه عن طريق التحكم فى الثرموثتات ووعاء الرطوبه ويتم ذالك عن طريق فتحات التهويه والتحكم فيها
ودى صور لفتحات التهويه

طبعا للتحكم فى درجة الحراره والرطوبه والكلام ده للاشخاص اللى عاوزين يصنعو مفرخه او للاشخاص اللى بالفعل عندهم مفرخات وممكن يكونو بيوجهو بعض المشاكل فى تشغيلها لان زى ما قلت قبل كده وهقول تانى ان التحكم فى الحراره والرطوبه والتهويه هى اساسيات التفريخ

زى ما هنلاحظ فى الصور فتحتى تهويه وطبعا مكانهم فى الخلف فى ظهر المفرخه وبالتحديد خلف مراوح تقليب الهواء مباشرة

عددهم 2 فتحه قطر الفتحه بالظبط 5 سم يمكن عمل فتحتين زياده ويكون مكانهم اعلى سقف المفرخه وهنعرف السبب بعدين

وزى ما عرفنا قبل كده فى نفس الموضوع مكان وضع الثرموثتات اللى ( مباشرة امام الهيتر (السخان ) يكون مواجه له وليس ملاصق طبعا اى فى اتجاهه )

ناتى لاهم شئ وهو

تجربة الماكينه

شغل الماكينه وقبل تشغيلها اقفل جميع فتحات التهويه الخلفيه والعلويه الا فتحه واحده يتم تشغيل الماكينه ونلاحظ درجة الحاره والرطوبه هناك عدة احتملات منها
1- ارتفاع درجة الحراره وزيادة الرطوبه
فى هذه الحاله يتم الاتى

نزود فتحات التهويه ونجعلهم فتحتين بدلا من فتحه واحده ونجرب فاذا استمرت درجة الحراره نجعلهم 3 فتحات وهكذا حتى نصل الى درجة الحراره المطلوبه

كما يمكن ان نقرب فلف الثرموثتات قليلا عن السخان او الهيتر فحساسيته هتزيد حتى يفصل الثرموثتات ولاكن يتم التقريب بنسب قليله حتى نصل الى درجة الحراره المطلوبه

اما بالنسبه للرطوبه فيمكن ان نقلل من مساحة سطح الوعاء وبالتالى تقل نسبة البخر وبالتالى نقلل من الرطوبه حتى الحد اللازم

وعندما تصل درجة الحاره للدرجة المطلوبه سوف تقل الرطوبه معها للنسبه المطلوبه كما ان زيادة فتحات التهويه تقلل من نسبة الرطوبه

2- ان تنخفض درجة الحراره وتنخفض الرطوبه

نقلل من فتحات التهويه حتى نصل الى درجة الحاره المطلوبه

يمكن ان نبعد الفلف او الجزء النحاسى قليلاعن السخان الحساسيه هتقل وهترتفع درجة الحراره

يمكن ان نضع او نلف قطن على الجزء النحاسى من الثرموثتات (الفلف ) الجزء الحساس فى الثرموثتات وبالتالى حساسيته تقل وترتفع درجة الحراره

اما بالنسبه للرطوبه يمكن زيادة المساحه المعرضه للهواء الساخن يؤدى الى ارتفاعها اى زيادة مساحة الوعاء

فى النهايه عرفنا ازى لو الحراره انخفضت او ارتفعت نعرف نتحكم فيها
وعرفنا نفس الشئ بالنسبه للرطوبه

************************************************** ***********

دى صور للمفرخة وهى شغالة متجمعة مش اجزاء بس نزلتها علشان الناس تتاكد فعلا ان الموضوع سهل ومش صعب

https://2img.net/r/ihimizer/img228/3712/01012010045.jpg

https://2img.net/r/ihimizer/img263/371/02012010061.jpg

https://2img.net/r/ihimizer/img574/7194/01012010058.jpg

https://2img.net/r/ihimizer/img266/5390/01012010053.jpg

https://2img.net/r/ihimizer/img149/5339/01012010048.jpg

https://2img.net/r/ihimizer/img691/4774/01012010044.jpg

https://2img.net/r/ihimizer/img502/762/01012010043.jpg

https://2img.net/r/ihimizer/img508/1908/01012010040.jpg

اتمنى ان الصور تكون كافية

يتبع
مهندس ياسر حنيدق

تصنيع المفرخة يدويا خطوه بخطوه بالصور والفيديو

1 تصنيع المفرخة يدويا خطوه بخطوه بالصور والفيديو الأربعاء أبريل 06, 2011 3:01 am

frid